Åtte skulpturelle ”kikkeskåp” i stein skal i løpet av våren/sommaren plasserast ute i landskapet på stader som er knytt til utvalde segner om lokale kvinneskikkelsar. Felles for dei alle er at feleslåttar er knytt til segnene. Åtte biletkunstnarar er igang med å forme sine tolkingar av desse segnene: Gonil Dale, Guro Lomodden, Kivlemøyane, Guro Heddeli, Tårån i tróppin, Glima i Rupedalar, Ljose-Signe i Bindingsnuten, Skuldalsbruri.
Kunstnarane er: Gunnar Torvund, Kristine Brodersen, Ingrid Lene Langedok, Knut Hølje Odden, Trygve Barstad, Ellen Grøstad Barstad, Torhild Grøstad, Philipp Dommen.

Sara Telnes Fjågesund, Torunn Raftevold Rue og Ragnhild Knudsen har spela inn slåttane som du kan høyre via mobiltelefonen din.
Du vil finne 1 kikkeskåp i Åmotsdal, 3 i Flatdal og 4 i Seljord.

Torhild Grøstad og Philipp Dommen er ansvarlege for gjennomføringa.
Foto: Dag Jenssen

Foto:Even Birkeland, SENSAIR AS

Vest-Telemark Blad fortel i sin laurdagsavis 4. des. at Even Birkeland og Eddy Dale på eit helikopteroppdrag over Seljord i november blei merksame på noko uvanleg i Seljordsvatnet. Birkeland og Dale i Sensair as arbeider dagleg med dokumentasjon frå luftrommet, både med linjeinspeksjon, foto, film og miljøovervaking. Firmaet har 20 års erfaring frå lufta. Den siste tida har dei arbeidd på oppdrag frå Vest-Telemark kraftlag med å inspisere linjenettet til kraftleverandøren. Det var under dette oppdraget at Even Birkeland og Eddy Dale (11. november) såg to store objekt i Seljordsvatnet. Medan dei flaug i helikopter i lufta over Seljordsvatnet blei Eddy Dale merksam på noko som bevega seg i vatnet under dei; noko stort som flytta mykje vatn, seier Dale. Birkeland og Dale fekk tatt bilete av ulike bølgjeformasjonar og skuggar som viser objekt i fart (8 -10 knop), og som skifta retning då helikopteret nærma seg, før det sank ned. Bileta under viser framenden med rund baugbøge (ca 4 – 6 meter framfor objektet) og markert v-forma bølgje bakanfor denne. Bileta er tatt med høgopplausleg kamera og gyrostabilisert optikk, samt med eksakt GPS-posisjonering.

Les oppslag i:
VG
Varden
TA
Vest-Telemark Blad

Så blei Saunaen i Seljord endeleg innvia! Detta fungerar som bare det! Heit, vakker og forfriskande landskapsoppleving!

Saunaen er ein av dei tre kunstinstallasjonane som vart bygd rundt Seljordsvatnet hausten 2009 som del av workshopen “Into the landscape”. Kvar av stadane har fått sin funksjon, og her i Vebekkdalen vart det altså ein sauna med vakkert utsyn over vatnet.

Representantar for Telemark fylkeskommune, Seljord kommune, Rintala Eggertson arkitektar, Springer kulturstudio, Feste landskapsarkitektar, Møtestad Seljord, Seljord Personal, grunneigar og presse var til stades under den friske og livlege opninga. Dette har blitt ein stad med eit vakkert “innramma” utsyn over Seljordsvatnet. Vi håpar det skal bli ein sosial møteplass for både seljordingar og tilreisande, der oppleving av landskapet går hand i hand med den totale saunaopplevinga.

Les artikkel i TA her:
http://www.ta.no/pulsen/article5355772.ece

(foto 1 og 2: Dag Jenssen)

Etter ei vekes jobbing er det 40 filmar klare til premiere fredag 22. oktober kl. 11.00 på Granvin.

I eit samamrbeid med Jazzmontørene har i dag 54 elevar starta på ein prosess der målet er å lage ein film. Både elevar frå 2. klasse media og 8. klasse ved Seljord ungdomskule har jobba intenst for å koma fram til ein ide og eit manus som i morgon skal bli film. I dag har me jobba på Granvin, mens i morgo skal me ut for å ta opp lyd, ta bilete og jobbe med redigering.